اه يا خوفى لا تكون دى النهاية

قيل للحمار

أنت ستكون حماراً وستعمل دون تذمر من طلوع الشمس لمغربها وستحمل فوق ظهرك أحمالاً ثقيلة، وستأكل الشعير سوف لن تتمتع بأي ذكاء، وستعيش حياة طولها خمسين سنة قال الحمار سأكون حماراً ، ولكن خمسين سنة كثيرٌ جداً ، اريد فقط عشرين

فكان له ما أراد

قيل للكلب

ستكون كلباً ستحرس منازل بني البشر ، وستكون أفضل صديق للإنسان ستأكل من الفضلات التي يتركها لك ، وسأهبك حياة طولها ثلاثون عاماً قال الكلب

ثلاثين سنة كثيرة جداً ، اريد فقط خمسة عشر

فكان له ما أراد

قيل للقرد

ستكون قرداً تتأرجح من غصن لغصن ، وتقوم بعمل الخدع لإضحاك الآخرين سوف تعيش حياة طولها عشرين سنة قال القرد عشرين سنة!!كثير جداً ،اريد فقط عشر سنوات فكان له ماأراد

وأخير الإنسان

قيل له

أنت الإنسان ، المخلوق الأكثر ذكاءً على وجه الأرض

وستستعمل ذكاءك لتجعل منك سيداً على باقي الحيوانات, وتسيطر على العالم

وسوف تعيش حياة طولها عشرين سنة

قال الإنسان

سأكون إنساناً لأعيش عشرين سنة فقط

هذا قليل جداً

اريد الثلاثين سنة التي لم يرغب بها الحمار

والخمسة عشر سنة التي لم يرغب بها الكلب

والعشر سنوات التي لم يرغب بها القرد

وكان له ماأراد

ومنذ ذلك الزمان والإنسان يعيش

عشرين سنة كإنسان.... حتى يتزوج

بعدها

يعيش ثلاثين سنة كالحمار... يكد و يعمل من طلوع الشمس لمغربها

ويحمل الأثقال على ظهره

وبعدها

عندما يكبر الأبناء

يعيش خمسة عشر عاماً كالكلب.... يحرس المنزل ويأكل من الفضلات التي يتركها غيره

وبعدها عندما يشيخ

ويتقاعد

يعيش عشر سنوات كالقرد....

يتنقل من بيت لبيت ومن ابن لآخر أو من بنت لأخرى يعمل الخدع لإضحاك أحفاده وحفيداته عايزة اعرف لو كل واحد فكر إن دى هى نهايته هيعمل ايه عشان يغيرها؟

أنا عايز أعيش فى كوكو تانى

راجعين من اجازة العيد الممله للشغل الى بردو بأه ممل والا انا الى بئيت ممله عشان كده شايفه كل حاجه ممله ربنا يعدى الفتره الى جايه دى على خير لحسن انا عندى كمية إحباط كبيرة شويه ومش طايقه نفسى والله ومش عارفه أعمل ايه؟ كل الحاجات الى بحبها والمفروض انى متعوده عليها مش طايقاها لا طايقه شغلى إلى المفروض انه كان كل حياتى ولا طايقه النادى إلى المفروض برده انى متربيه فيه وعيشت فيه اجمل ايام طفولتى وشبابى ولا حتى طايقه أصحابى ألى كانو حاجه مهمه وكبيره أوى عندى . انا حاسه أنى داخله على دور أكتئاب كبير أوى نفسى اسافر بعيد فى مكان على البحر لوحدى أعد قدامه ومتحركش وافضل بصاله وشايفه الموج الى بحس انه شبهى أوى يوم فوق ويوم تحت وكل ساعه بحال بس للأسف مش هينفع فى الوقت الحالى. فبحاول أهرب جوا نفسى وأفصل عن العالم الخارجى يمكن أهدا شويه عشان أنا خايفه أوى خايفه اطلع الثوره الى جوايا دى فحد ميكونش لى ذنب خايفه أخسر تانى أنا خسرت كتير أوى الفترة الى فاتت دى خايفه اغرق فى الإكتئاب الى أنا فيه

كل سنه وانتو كلكوا طيبيين

رمضان بيقول باى باى

رمضان بيقول باى يا ترى كل واحد عمل الى عليه فى الشهر الكريم ده ولا اية ؟؟ لو حاسس انك لسه مقصر قدامك وقت صلى تراويح و تهجد واذكر ربنا كتير واقرا قرأن بنيه خالصه لله سبحانه وتعالى وهو هيتقبل انشاء اللة . محدش يقول خلاص السنة الجايه والكلام ده هو حد عارف هيكون السنه الجايه فين ولا بيعمل ايه لو حد يقدر يعمل اى حاجة سواء صلاة او صوم او اى حاجة يعملها على طول اول ما ينوى . ربنا يتقبل منا ومنكم صالح الاعمال انشاء الله.

يا مسافر وحدك ..............

وحشتنى اوى ى ى بجد وحشتنى عندما يسافر الحبيب بتسود الدنيا اوى ومبيبقاش فيها حاجه تفرح بيفضل رد فعلك تجاه اى حاجة عدلة تحصل منتهى البرود كأنك بطلت تحس ولا تستوعب ورد فعلك تجاه اى مصيبه عالى اوى مهما كانت صغيرة كانك واقف فى الشارع ومحدش يعرفك ولا انت تعرف حد تايه والى رايح والى جاى بيلطش فييك الدنيا ملهاش طعم عاييش مع العايشين ولا انت معاهم ولا حاسس بيهم بس عايش تفكيرك اتشل ومش عارف تفكر فى حاجة غير فيه وكل ما تحاول تفكر فى اى حاجة تلاقى نفسك فى الاخر بتفكر فيه تتمنى من ربنا ان ده يكون حلم وانه يكون معاك ومسافرش عندك استعداد للبكاء بسبب وبدون بحاول اعمل عشر رجاله فى بعض عشان اثبت لنفسى انى جامده ومفيش حاجه تهزنى ولا تأثر عليا بس ساعات بضحك على نفسى من الماسك الجامد الى بحاول استخبى وراه عشان انا ضعيفه مش جامده ولا حاجه زى م الناس متخيله بحاول اشغل نفسى فى مليون حاجه عشان مفكرش فى اى حاجة ومتهيألى انى نجحت وشغلت نفسى بس مش عارفة اوقف دماغى عن التفكير. بس عزائى الوحيد لكل الحاجات دى والحاجه الوحيده الى مصبرانى انى بدعيلك فى كل صلاة وكل دقيقة عشان ربنا يرجعك بالسلامة انشاء اللة

حق الحياة

حد عمره فكر انه محكوم عليه بالأعدام من غير حكم محكمة لا وايه كمان معاك روح مش عارف هتعيش ازاى بجد حاجه صعبه اوى ولاما ربنا يكرمك وتلاقى ايد بتدمدلك وانت بتغرق وتتعلق فى قشاية وفجأه تضيع منك بجد احساس زبالة اوى ياريت محدش يحسه ابدا انا الحمد لله محستوش ومش بتكللم على نفسى عشان محدش يستنصح انا بتكلم على حاله قريبه منى ومأثره فيا اوى ومش عارفه اساعدها ازاى . ونبتدى ى ى من اول الحكاية كانت بنت جميله متعلمه تعليم متوسط من عائلة متوسطة اتقدملها عريس مناسب وافقت عليه هى وأهلها وبعد كتب الكتاب اكتشفت انه كداب وبتاع بنات قالت اسيبه قالو ازاى وسمعتك والناس هتقول اية وكل الشباب فى السن ده كده وكلام من الى بيعصبنى لما بسمعه ده المهم اتجوزوا وبعد سهرين اترفد من شغلة قال اعمل مشروع خاص واستلف فلوس وكتب على نفسه شيكات وخلال ال6 شهور عمر جوازهم كانت فى مشاكل كتير وضرب وبهدلة وقلة ادب والبنت ساكته ومش راضيىة تقول لأهلها بس لقيت ان المشاكل زادت اوى والمشروع خسر ومرفوع عليه قضايا وابتدى يبيع عفش بيتها حته حته وساعتها سابتله البيت وكانت حامل و والدها الله يباركله تكفل بكل مصاريف حملها و ولادتها والطفل لغاية اللحظه دى المهم جوزها اتحكم عليه ب5 سنين سجن الكلام ده من 3 سنين ومن ساعتها وهى متمرمطة فى المحاكم رفعت طلاق معرفتش تطلق رفعت خلع بقالها سنه مش عارفه تخلعه لازق بغراء ابن ال................ ولا حرام احنا فى رمضان الام مبتشتغلش عشان تصرف على الطفل وعلى نفسها واهلها ظروفهم على قدهم قالت مبدهاش لازم انزل اشتغل الحمد لله اشتغلت واستقرت فى الشغل والدها جاله بعد الشر عنكم السرطان ووالدتها ست كبيره ومريضه واخواتها مسافرين فكان لازم تسيب الشغل عشان تراعى اهلها هتعمل ايه مهو الى ملوش خير فى اهله ملوش خير فى حد وفى وسط الضلمه دى كلها ظهر عريس مناسب هيستتها ويصرف على ابنها وظروفه مناسبه ليها وهى مقتنعه بيه بس مستعجل لظروف عائليه خاصه بيه تحترم يعنى المهم هى تعمل ايه مش عارفه تخلعه بقالها سنه يا ناس مش عارفة تبتدى حياه جديده بجد والله حرام هتفضل تدفع ثمن الغلطة الى مغلتطهاش لغاية امتى انا بجدبحس انها محكوم عليها بالاعدام ده كلو كوم وابنها كوم تانى وسؤاله عن باباه الغايب ده كوم تانى والله الولد حالته تصعب على الكافر ده مره قعد فى البيت 3 ايام مش عايز يروح الحضانة عشان كل الاطفال اباهتهم بيجو يخدوهم وهو معندوش بابا بجد حاجة تحزن ياريت ياجماعة تدعولها كلكو ربنا يكرمها ويفرجها عليهها وعلينا انشاء الله

مراية الحب عامية

في قديم الزمان حيث لم يكن على الأرض بشر بعد.... كانت الفضائل والرذائل .. تطوف العالم معا".. وتشعر بالملل الشديد.... ذات يوم... وكحل لمشكلة الملل المستعصية... اقترح الإبداع.. لعبة.. واسماها الاستغماية.. أحب الجميع الفكرة... وصرخ الجنون: أريد أن أبدأ.. أريد أن أبدأ... أنا من سيغمض عينية.. ويبدأ العد... وأنتم عليكم مباشرة الاختفاء... ثم انه اتكا بمرفقيه.. على شجرة.. وبدأ... واحد... اثنين.... ثلاثة.... وبدأت الفضائل والرذائل بالاختباء.. وجدت الرقة مكانا لنفسها فوق القمر.. واخفت الخيانة نفسها في كومة زبالة... دلف الولع... بين الغيوم.. ومضى الشوق إلى باطن الأرض... الكذب قال بصوت عال: سأخفي نفسي تحت الحجارة.. ثم توجه لقعر البحيرة.. واستمر الجنون: تسعة وسبعون... ثمانون.... واحد وثمانون... خلال ذلك أتمت كل الفضائل والرذائل تخفيها... ماعدا الحب... كعادته.. لم يكن صاحب قرار... وبالتالي لم يقرر أين يختفي.. وهذا غير مفاجئ لاحد... فنحن نعلم كم هو صعب إخفاء الحب.. تابع الجنون: خمسة وتسعون....... سبعة وتسعون.... وعندما وصل الجنون في تعداده إلى: مائة قفز الحب وسط أجمة من الورد.. واختفى بداخلها.. فتح الجنون عينيه.. وبدا البحث صائحا": أنا آت إليكم.... أنا آت إليكم.... كان الكسل أول من انكشف... لانه لم يبذل أي جهد في إخفاء نفسه.. ثم ظهرت الرقة المختفية في القمر... وبعدها.. خرج الكذب من قاع البحيرة مقطوع النفس... أشار على الشوق أن يرجع من باطن الأرض... وجدهم الجنون جميعا"..واحدا بعد الآخر.... ماعدا الحب... كاد يصاب بالإحباط واليأس.. في بحثة عن الحب... حين اقترب منه الحسد وهمس في أذنه: الحب مختف في شجيرة الورد... التقط الجنون شوكه خشبية اشبة بالرمح.. وبدا في طعن شجيره الورد بشكل طائش ولم يتوقف إلا عندما سمع صوت بكاء يمزق القلوب... ظهر الحب.. وهو يحجب عينيه بيديه.. والدم يقطر من بين أصابعه.. صاح الجنون نادما": يا الهي ماذا فعلت؟.. ماذا افعل كي اصلح غلطتي بعد أن أفقدتك البصر ؟... أجابه الحب: لن تستطيع إعادة النظر لي... لكن لازال هناك حل ما تستطيع فعله لاجلي... كن دليلي.. وهذا ما حصل من يومها.... يمضي الحب الأعمى... يقوده الجنون عرفتو بأه ليه الحب أعمى وهيفضل أعمى بس الحياة مش عامية عشان كده فى ناس بتفشل كتييير فى حياتها .........................