الثلاثاء، 22 سبتمبر 2009
أنا عايز أعيش فى كوكو تانى
راجعين من اجازة العيد الممله للشغل الى بردو بأه ممل والا انا الى بئيت ممله عشان كده شايفه كل حاجه ممله ربنا يعدى الفتره الى جايه دى على خير لحسن انا عندى كمية إحباط كبيرة شويه ومش طايقه نفسى والله ومش عارفه أعمل ايه؟ كل الحاجات الى بحبها والمفروض انى متعوده عليها مش طايقاها لا طايقه شغلى إلى المفروض انه كان كل حياتى ولا طايقه النادى إلى المفروض برده انى متربيه فيه وعيشت فيه اجمل ايام طفولتى وشبابى ولا حتى طايقه أصحابى ألى كانو حاجه مهمه وكبيره أوى عندى . انا حاسه أنى داخله على دور أكتئاب كبير أوى نفسى اسافر بعيد فى مكان على البحر لوحدى أعد قدامه ومتحركش وافضل بصاله وشايفه الموج الى بحس انه شبهى أوى يوم فوق ويوم تحت وكل ساعه بحال بس للأسف مش هينفع فى الوقت الحالى. فبحاول أهرب جوا نفسى وأفصل عن العالم الخارجى يمكن أهدا شويه عشان أنا خايفه أوى
خايفه اطلع الثوره الى جوايا دى فحد ميكونش لى ذنب
خايفه أخسر تانى أنا خسرت كتير أوى الفترة الى فاتت دى
خايفه اغرق فى الإكتئاب الى أنا فيه
الاشتراك في:
تعليقات الرسالة (Atom)
اوعى تستسلمى للمود دا
ردحذفاعملى اى تغيير فى حياتك
روحى مكان جديد
اعرفى ناس جديدة
اكسرى الملل دا بأى طريقه
لكن نصيحه من مجرب
اوعى تستسلمى للمود دا
شكرا يا دكتور على زيارتك
ردحذفواوعدك انى احاول اعمل تغير بس انت عارف إن الحياه بقت صعبه اوى وروتينية زياده عن اللزوم
بجد مش عارف اقولك ايه .... بس بجد برضه كلنا بنعدى بالموود ده من وقت للتانى ... بس الجميل فيه انه بياخد وقته و بيخلص
ردحذفربنا معاكى
اذيك يا عمرو عامل اية؟
ردحذفيارب تكون بخير ومتشكره ليك اوى
والحمد لله على نعمة النسيان