الأربعاء، 29 يوليو 2009

دعوة للتسامح

اخواتى المدونيين والمدونات دعوة لكل واحد يسامح الى ظلمه علشان ربنا يسامحنا كلنا انشاء الله ونفسى كلنا نفكر لو حد فينا افتكر انه ظلم حد ياريت يكلمه ويقوله يسامحه وياريت كلنا ندعى ربنا ونقول
اللَّهُمَّ إِنَّكَ عَفُوٌّ كَرِيمٌ تُحِبُّ العّفْوَ فَاعْفُ عَنِّي.
ونحاول كل يوم بليل قبل النوم نسامح نفسنا ونسامح كل الى ظلمونا وندعى ربنا عشان يكرمنا انشاء الله

ليه احنا مبقناش نقدر نسامح؟

يمكن علشان كل واحد مبقاش يفكر غير فى نفسه ومشاكله وبس ومش مهم عنده مين زعلان ولا مين فرحان.

ويمكن علشان مبئناش متدينين كفايه او بئينا بنصلى ونصوم زى المكن من غير قلب.

ويمكن عشان نسينا اننا محتاجين نسامح بعض عشان نعيش مرتاحين فى سلام نفسى فى الدنيا وربنا يسامحنا فى الاخرة.

ويمكن عشان قلبنا جمد اوى من كتر الزنوب والمعاصى فمبئناش بنحس اصلا.

ويمكن حجات تانيه كتير انا معرفهاش ونفسى اعرفها واعالجها عشان كلنا نسامح بعض بس مش عارفه ازاى بس اول حاجه هعملها نداء من المدونة بتاعتى انه يكون معانا فى دعوة للتسامح وربنا يجعلو فى ميزان حسانتنا انشاء الله وكل واحد يدخل يكتب انه سامح الى ظلموة ويطلب من الى ظلمهم انهم يسامحوة وانا هبتدى.

يارب سامحنى يارب على كل حاجه غلط عاملتها انا عارفه انى بغلط اللهم انى استغفرك وتوب اليك يارب رحمتك وسعت كل شىء يارب

يارب كل واحد انا ظلمته او زعلته عن قصد او غير قصد يسامحنى يارب

يارب انا مسامحه اى حد ظلمنى او جه عليه ابتغاء رضاك انت بس يارب

اللَّهُمَّ إِنَّكَ عَفُوٌّ كَرِيمٌ تُحِبُّ العّفْوَ فَاعْفُ عَنِّي.

هناك 4 تعليقات:

  1. السلام عليكم ياتوتة اخبارك ايه ياجميل
    جزاكى الله خيرا على البوست وربنا يجعله فى ميزان حسناتك باذن الله
    ويمكن احنا زى ما بتقولى بقينا من غير قلوب مكن حتى فى مشاعرنا
    مرسيى ياجميل للمرورك على المدونة

    ردحذف
  2. ميرسى يا ايوشه يا جميله ربنا يجعله فى ميزان حسانتنا كلنا انشاء الله وربنا يكرمنا وبرحمنا برحمته يت قمر انشاء الله

    ردحذف
  3. حبيبتى توتة المخنوقة
    اولا شكرا ليكى اوى على الدعوة الرائعة ده
    ثانيا عارفة ليه محدش بقى بيسامح
    و ده من رايي الشخصى لان لو واحد قسى عليكى اوى او رفض يسامحك بقيتى انتى كمان رافضة تسامحيه
    و بالتالى بقينا مع بعض ند بند
    و بقى التسامح ده حاجة مش فى حسابنا
    مع ان والله (مش بشكر فى نفسى)
    انا مش بزعل من حد يعنى لو زعلت مش بتبقى اكتر من يوم لكن بنسى و بفوت لانى مش ضامنة حاجة و بعدين و العمر فى ايه ولا الدنيا تستاهل ايه عشان نخاصم و نقاطع بعض
    وكل اب ادم خطاء و الرسول قال التمس لاخيك 70 عذر و احنا مش طايقيين الكلام من بعض
    اعتذر لو طولت بس احنا فعلا محتاجين نصفى قلوبنا قبل ما نقابل ربنا
    ربنا يجعله فى ميزان حسناتك
    تحياتى

    ردحذف
  4. ميس رودى اذيك يا قمر عامله ايه ؟

    و يا ريت الناس كلها تكون طيبه ذيك كده وتسامح وربنا يجعله فى ميزان حسانتنا انشاء الله

    ردحذف