الصرخةالأولى

انا هبتدى اتكلم انهاردة عن حاجة كنت مئجلها شوية بس للضرورة احكام انا بجد مش عارفة الناس مالها مش عاجبها حاجة وكل واحد سايب نافسة وعمال يبص ع الناس وينتقضها طب خاليك فى نفسك وصلح من نفسك عشان تكون انسان قوى وتكون عضو فعال فى المجتمع الناس تلاقى البنت مش متجوزة ولا مخطوبة يفضلوا يسألو هى مش متجوزة لية ومش بتوافق على الى بيتقدمو لية وكل واحد يفتكر ان دى مهمتة ويكلمها ويجبلها عرسان ويكون هو ولا هى طلعان تييت امة فى الجواز ومن جواه عايز الناس كلها تتجوز وتشوف المرار الى هو شايفة . البنت تتخطب يعد كل من هب ودب وشافها ها هتتجوزوا امتى يا دى النيلة البت لسة مخطوبة ومحتاجه تعرف الولد كويس وترتب جهازها وحياتها تلاقى الضغط من كل ناحيه يا معلم يبقى مقدمهاش غير حلين :

1. تتجوز بسرعة يا عين امها من كتر الضغط (والضغط ده مش بيكون عليها لوحدها لا ده على مامتها وباباها واخوتها وكأن لو اتجوزت القدس هتتحرر )ويا عالم هتنج ولا اصلها ملحقتش تفكر كانت بتفكر ازاى تخلص من الزن والضغط فاكره نفسها هتخلص.
2. تبوظ الجوازه وتنفد بجلدها من الصداع ووجع الدماغ والزن وفاكره برده انها بكده هتخلص.

فى الحالة الاولى

مش هتخلص لأن النا هيعدوا يسألوها من اول ماترجع من شهر العسل الى بيصفصف على اسبوع الجملة الشهيرة

ها مفيش اخبار؟؟؟

وطبعا فاهمين هما قصدهم اية نهار اسود عليه وعلى سنينى السودا هما لحقوا وبعدين الناس مالها بالحاجات دى لكن تقول اية حسبى الله ونعم الوكيل وطبعا لو الموضوع ده اثر عليها هتخلى عيشة جوزها طين وعايزة تروح للدكتور وهتقضيها نكددد نكددد نكدد فو ايفير لغاية لما ربنا يكرمها بحتة عيل وساعتها تقول انا الى عملت دا كلوا فى نفسى.

فى الحالة الثانية

البنية تخلع عشان تنفد بجلدها يفضلوا وراها دة كان كويس دة كان برقبتك لما يلاقو مفيش امل فيها يرجعوا لنقطة البداية طب شوفى حد تانى بكرة يجيلك سيد سيدو دة مكانش يستاهلك ابدا وكلام وزن زن زن .

وعلى فكرة لو اتجوزت وخلفت وجابت طفل يسألو عن التانى لو جابت اتنين يقولولها لازم يكونوا عزوة ولو جابت بنات يقولولها لازم تجيبى الولد ولو جابت ولاد يقولوله ربى يا خايبة للغايبة

بجد الناس ملهاش حللل لو كل واحد بس يخليه فى نفسه ويحاول يطور من نفسه هنكون فعلا اقوى شعوب الارض.

اه انا نسيت اقلكوا الضرورة الى خلتنى اتكلم عن الموضوع دة النهاردة لقيت واحدة صاحبتى بتكلمنى بتقولى انها هتوافق على عريس كان متقدملها وما كانتش موافقه عليه فبسألها ايه سر التحول المفاجىء قالتلى عشان اخلص من الزن سألتها هو دة السبب الوحيد قالتلى اه فكان لازم اصرخ واصوت واندب على حال البنات .

يالا هوييييييززززززززززززززز