- تتجوز بسرعة يا عين امها من كتر الضغط (والضغط ده مش بيكون عليها لوحدها لا ده على مامتها وباباها واخوتها وكأن لو اتجوزت القدس هتتحرر )ويا عالم هتنج ولا اصلها ملحقتش تفكر كانت بتفكر ازاى تخلص من الزن والضغط فاكره نفسها هتخلص.
- تبوظ الجوازه وتنفد بجلدها من الصداع ووجع الدماغ والزن وفاكره برده انها بكده هتخلص.
فى الحالة الاولى
مش هتخلص لأن النا هيعدوا يسألوها من اول ماترجع من شهر العسل الى بيصفصف على اسبوع الجملة الشهيرة
ها مفيش اخبار؟؟؟
وطبعا فاهمين هما قصدهم اية نهار اسود عليه وعلى سنينى السودا هما لحقوا وبعدين الناس مالها بالحاجات دى لكن تقول اية حسبى الله ونعم الوكيل وطبعا لو الموضوع ده اثر عليها هتخلى عيشة جوزها طين وعايزة تروح للدكتور وهتقضيها نكددد نكددد نكدد فو ايفير لغاية لما ربنا يكرمها بحتة عيل وساعتها تقول انا الى عملت دا كلوا فى نفسى.
فى الحالة الثانية
البنية تخلع عشان تنفد بجلدها يفضلوا وراها دة كان كويس دة كان برقبتك لما يلاقو مفيش امل فيها يرجعوا لنقطة البداية طب شوفى حد تانى بكرة يجيلك سيد سيدو دة مكانش يستاهلك ابدا وكلام وزن زن زن .
وعلى فكرة لو اتجوزت وخلفت وجابت طفل يسألو عن التانى لو جابت اتنين يقولولها لازم يكونوا عزوة ولو جابت بنات يقولولها لازم تجيبى الولد ولو جابت ولاد يقولوله ربى يا خايبة للغايبة
بجد الناس ملهاش حللل لو كل واحد بس يخليه فى نفسه ويحاول يطور من نفسه هنكون فعلا اقوى شعوب الارض.
اه انا نسيت اقلكوا الضرورة الى خلتنى اتكلم عن الموضوع دة النهاردة لقيت واحدة صاحبتى بتكلمنى بتقولى انها هتوافق على عريس كان متقدملها وما كانتش موافقه عليه فبسألها ايه سر التحول المفاجىء قالتلى عشان اخلص من الزن سألتها هو دة السبب الوحيد قالتلى اه فكان لازم اصرخ واصوت واندب على حال البنات .
يالا هوييييييززززززززززززززز
فعلا عندك حق
ردحذفاحنا للأسف مش كل واحد في حاله
انا اعرف ناس كتير حشريه
وكلامك كله صح
لو بصيتي لأكتر ناس محبوبه حولينا هتلاقيه الراجل المحترم والست المحترمه
هتلاقيه الراجل اللي في حاله والست اللي في حالها
هتلاقيه الراجل المتدين شكلا وموضوعا والست المتدينه شكلا موضوعا
واحنا لو عندنا عقل كنا عرفنا اننا مش محبوبين اوي من اللي حولينا بسبب تصرفتنا
واننا مش هنكون في صحبة الحبيب إلا بحسن الخلق
واللي طلع في بيئه وحشه
جه عليه الدور علشان يصلح من نفسه ومن اخلاقه
زي بالضبط خريج الجامعه اللي بياخد كورسات علشان يلاقي شغلانه كويسه
هو كده بالضبط لازم ندرب نفسنا علي حسن الخلق
يعني ازي اتحكم في غضبي ازي متطلعش من بقي كلمه وحشه حتي لو اللي قدامي غلط فيه وازي ارد عليه في الحاله ديه بالادب اللي يحرجه
لو عملنا كده هنبقي اقوي شعوب الارض فعلا
ده غير اخرتنا اللي هنكسبها
الدنيا فانيه
تحياتي
ميرسى اوى بجد على اهتمامك وشكرا على تأيدك لكلامى
ردحذفويارب الناس كلها تاخد كورسات فى الحياة علشان نكون كلنا فى صحبة الحبيب انشاء اللة.
كده يبقى انتى اكيد اكيد فى مصر
ردحذفالناس بتحاول تنسى عيوبها بانها تدور على عيوب غيرها
اهلا يا بنوتة شرفتينى بزيارتك وفعلا يمكن يكون سبب ان الناس بتبص لبعض اوى ان كل واحد عنده عيوب كتير او شايف نفسه خالى من العيوب.
ردحذف